العين تسهر

العين تسهر ما تذوق المنامي
والقلب ما يقوى الهموم الثقيله
عجزت ابلقى ما يحقق مرامي
والا يشافي علةٍ مستحيله
فكرت فالدنيا وكل الانامي
لقيت كلٍ دالهٍ في سبيله
دنيا تحير الفكر مامن سلامي
وكلٍ على الدنيا بيلقى حصيله
ولحدٍ بها دايم سوى الرب دامي
كلٍ وله يومٍ لزومٍ يجيله
ويالله يالمعبود منشي الغمامي
يالواحد اللي كلنا نلتجيله
تقبل دعانا يا عظيم المقامي
وتغفر خطايانا على كل ميله
واختامها واعداد ما الطير حامي
صلوا على المختار راع الفضيله
نواف بن محمد الصخيبري