الشعب السعودي أرسى من طويق

يادار من دونك جبال ن منيفه
أرسى من طويق المسمى وأبانات
وعزومنا وقت الأمور الكليفه
من فوق هام السحب بين المجرات
ويوم السنين المرعبات المخيفه
نارد حياض الموت دون الطويلات
وأمجادنا تكتب بصدر الصحيفه
تاريخ في حد السيوف الصقيلات
واليوم عز ونو خير ورفيفه
على ديار المجد بأمن ن وخيرات
في ظل سلمان الثقايل خفيفه
حنا هل العوجا ولابه ثقيلات
نرسي على شط البحور العنيفه
أقصى الخليج اليعربي للمحيطات
وعلى سنام المجد شامخ رديفه
ولي عهده للأمور الصعيبات
يا الله عسى التوفيق دايم حليفه
فوق الثريا حد سقف الطموحات
لو شنوا العدوان حرب (ن) سخيفه
مروجين اكذوبهم والإشاعات
قامت تنابح تحت ظل السقيفه
من كل حدب وصوب لجحورها جات
ماحركوا وسط الديار المريفه
مثقال ذره في غلاكم وهيهات
شعبك معك مثل السيوف الرهيفه
أرسى من طويق المسمى وصملات
تجعل عدو الدين حاله كسيفه
ومن دون حد الدار للموت لذات
Your browser does not support the video tag.