ياربي عسى فال الوسم دفوِةٍ وسيول

أحِب الوشم ياحيثها ديرة المجمول
عساني بحبّي للوشم نلت تأهيله
ياربي عسى فال الوسم دفوِةٍ وسيول
تِعم الوشم دار الحبيْبُ ومداهيله
مع الرايح المقبل ولو شِفت منه الهول
مانِسمَع من اللّي خَيّله غير تهليله
وإلى زل هملولٍ يجي بهْدِبه هَملول
على ثرمداء بالذّات تقوى هماليله
له إسبوع بِعضات الضحاوي وسبع ليول
بليّا ضرر من فضل ربي وتسهيله
تدارك على الصفرا على الحزم والغرمول
على السهل ياليتك تشوفين ياهيله
من القبله شعابٍ تجي فجأة ٍ وعجُول
من الصِنع والباطن يجى من مجاهيله
عسى القاع ينبت روض والصيف ينبت شول
هٌو روضةٍ تحمى وياسِعد من هي له
بعد ذا الوسم يا أهل الوشم غلةٍ بحمول
تبارك بساتبنه وتصلح مداهيله
وأشوف الفلا كل الفلا طيّبُ ومدهول
حلال البدو يكثر َ وتسمَن مهازيله
من الحول غدران المراريت لين الحول
عليه الحلال ورود والقارسٌ وْخيله
وإلى هالسنه مرّت بلاغيث قِل لا حول
فلا لك سوى ربك متى ضاعت الحيله
Your browser does not support the video tag.