بريّةٍ جتني على ما تمنّيت

لاجا الضحى والناس في السوق شبّيت
وكيّفت ما يبرد لِهيب ٍبجاشي
بريّةٍ جتني على ما تمنّيت
ماهي من البحريّه أم الغشاشي
سبعة فناجيلٍ إلى منّي أشفيت
حلوات عندي من لذيذ المعاشي
رزقي على اللّي سامتٍ فيّة البيت
وإلاّ فلا عندي حلالُ وْمواشي
عسى الحيا يسقي مناهِلْك ياكميت
سبع أجديت يمطر علينا رشاشي
ويِسْقي الْجله مع باقيات المراريت
تلقى لها عقب الدهور ابتهاشي
شعر/ عبدالعزيز بن زيد الزيد - رحمه الله