ياقف بي التفكير لا خيم الشوق

وأدري وصالك صعب مانيب وياه
لا حل طيفك غبت وإن غبت ما افوق
ألا على كمومٍ بدمعي مملاه
أصافحك ذكرا و أعانقك محروق
وأسريك ليلٍ بين وجدي وغبناه
لاقلت عن همي بسوق القدم سوق
تصغر بعيني فسحة الكون وأرجاه
من وين ما داجت خطاويّ ملحوق
وباب الوله يرسم طريق المعاناه
يمر ليلي عمس خاطر ومخنوق
الهم سنت رمح والصدر مرماه
خابرك خابر بني أحن واتوق
وانت تّصنع معيه ألا مبالاه
كابرت من لا شي يا احب مخلوق
وعرضتني صحرا ورمضا ومضماه
حلم الوصل عمره من العمر مسروق
وعمري فدا عن يوم معك أتهناه
مال الفرح لهفه ولا للزمن ذوق
ما عاد به شيٍ وأقول أتمناه
كنت الحياه اللي بها العيش مرموق
قبل لالحن حيرتي وأعزف الاه
وكنت القبال اللي ليا شفته أروق
قبل يدور الوقت وأذوق فرقاه
وكنا وكنت وكانت أيامٍ تشوق
قبل لاقولك شعر والناس تقراه
سلطان بن نايف