يا جنة أمي

فديت الروح يا جدّه
يا روح روح الغلا يا بعد خلاني
حب الغلا للغلا ما تحكمه مدّه
ولا يتغير ولا يستبدل بثاني
يا جنتي جنتك ما تحتمل صدّه
وأمي وجدة مثل دمي وشرياني
يمه تري خاطري والنفس منسدّه
طول غيابك عليه يا أعذب الحاني
يمه فديتك ترى شوقي وصل حدّه
والشوق في غيبتك قام يتقهواني
يا بعد كل الذي أغليه وأودّه
أكبر ويبقي محلك داخل أجفاني
التعب لاجا الفكر ومن العنا هدّه
ناديت يمه تلاشى كل أحزاني
والصبر لا غابت يجيني لكن أردّه
في الصبر خيبت ظن اللي تهقواني
قلبي مع أمي.. وقلب أمي مع الجدّه
وهي نظرها وأمي روحي ووجداني
جهير آل جرفين