لغز الأسبوع الماضي كتبه الشاعر علي الرشيد من رياض الخبراء والذي يقول: بنت تبختر لك تجي دون ميعاد وتغمض بعينك وتمشي لها طوع يمكن تجي مرة وأحيان تنعاد ماتسكن الا فوق والراس مرفوع كانت رمعات اللغز الصحيحة شعرا: اهلا هلا مالج بالمزن رعاد باللي كتب لغز له الفكر مسموع والحل عطسه كان للحل صياد واظن لغزك صار ياعلي مرموع أحمد بن ناصر المحرج - الرياض يا مرحبا بك عد من ينطق الضاد وعد ما يثمر من النبت من نوع ياللي كتبت اللغز للحل نشاد هذي هي العطسة لها صوت مسموع طلال الرشيد- الجبيل الصناعية يابو رشيد العين ماذاقه رقاد من هاجسي كني عن النوم ممنوع عطسه تجي لناس من دون ميعاد عطسه فريد نوعها مالها نوع سعد صنهات السهلي-الدرعية يامرحباً الف وبكل الاجواد حل اللغز واضح ولاهوب ممنوع البنت اللي تجيك من دون ميعاد تراها ذي عطسه والراس مرفوع محمد بن سليمان العجلان - الرياض لغز(ن) جديد اليوم واسبوع ينعاد ويجيب معه الحل والراس مرفوع عطسة تجي مرة ومرات تنعاد العطسة لامن جات له صوت مسموع محمد بن عبدالرحمن أبو دحيم - البدائع الطيب يابن رسيد ياتيك من غاد وخطو الولد يُتبع ولا هوب متبوع الحل عطسه مالها دوم ميعاد واليا عطست احمد ترا الراس مرفوع خليف فهيد الحربي - الرياض يا راعي الخبراء وفي غربي بلاد لغزك رمعته بعد تمحيص وقنوع الحل عطسه واثق الحل ووكاد نطلب من الباري عسى الصوت مسموع عبدالعزيز الشيحة - الرياض العطسة اللي بيننا شيء معتاد تجيك لو كنته تلوى من الجوع كل البشر تعطس قريبين وابعاد ومهما تخفِيها ترى الصوت مسموع إبراهيم بن راشد آل مغيرة - ضرماء لغز الرشيد اليوم لابد ينصاد والصيد جايز في مثيله ومشروع عطسه تجي فجأه وأحيان تزداد وستار حله ياعلي صار مرفوع محمد بن سطام العريعر - مدينة الرياض ونثرا بدر العجلان- الرياض، ثامر السند- حايل، عبدالله عايد المفضلي-الرياض لغز الأسبوع كتبته للصفحة الشاعرة آمنه بنت محمد العطيفي من رياض الخبراء وتقول: أنشد عن اللي شايله عدة عيال هي من فصيله والولد من فصيله ماظنتي تخفى على كل رجال كل يشوفه كل يوم وليله الحل حولك حاول الحل بالحال الحل جار(ن) لك وعندي دليله
