كان لغز الاسبوع الماضي للشاعر صالح عبدالله الصميت ويقول: يا ويش بنتٍ بالوصايف فريده بالصيت معروفه ومن عصر الأجداد لا قام زوج البنت نامت وحيدة تأتي بميعادٍ وتسري بميعاد اللص يبغضها وهي ما تريده والصقر يعشقها وما زاد ما فاد والحلول من الشعراء: اللغز نعرفه من سنين بعيده تضرب بها الامثال من عصر بن عاد تراها آيه من الآيات العديده الشمس تطلع كل يوم بميعاد محمد بن سليمان العجلان _ الرياض حييت يا صالح ونفسك سعيده اللغز طيب من تصاميم الاجواد فيه العلوم الطيبه والمفيده والشمس حله طول الايام تنعاد علي رشيد الرشيد- رياض الخبراء الشمس نعمه للأوادم مفيده قامت تطارد للقمر جري وطراد وان قام غابت كل يوم تعيده هذا جواب اللغز ياصل بميعاد محمد أبودحيم- البدائع يا مرحبا تعداد ما عاد عيده وعداد ما قالوا نعم لمّ الاجواد قريت لغزك واضح بالجريده الشمس حله ما تبي زود ترداد تشرق على الدنيا ودور بعيده وتختفي بالليل والصبح تنعاد فالح غازي الحربي - رياض الخبراء لغز قريته في خزامى الجريده وعادي لنا عده واحسن بالاعداد والشمس حله والليالي مديده واظن صبت الحل من عرض من صاد عبدالله الرفيعي- البكيريه البنت اللي بالوصايف فريده تراها شمس دوم تشرق بميعاد الله مسيرها وحنا عبيده والصقر يعشقها ويأخذ ماراد بدر بن محمد العجلان - الرياض في وقتها تظهر بحالة جديدة وبغروبها بعض المخاليق رقاد فيها الدفى والنور واشياء عديده شمسٍ تزين الأرض نشوه وإسعاد احمد بن ناصر المحرج-الرياض نشوفها لاكن تراها بعيده في كل يوم انشوفها بس تنعاد منها فوايد هي جمله مفيده الحل قلت الشمس رمعه بالاوكاد سعد صنهات السهلي - الدرعيه لغز الاسبوع يكتبه للصفحة الشاعر خالد بن ابراهيم المرشود من الرياض ويقول: انشدك عن عذرا قبل حزة البيع لها رواج في عروض التجاره احيان يقبل صاحب الشان ويطيع واحيان ماتكتب لراع الشطاره نستقبل الحلول على البريد الإلكتروني [email protected] أو الفاكس 014871070
