كان لغز الاسبوع للشاعر صالح المرشود من الرياض والذي يقول: انا بنشدك عن عود قبل ستين عام صار وبعد خمسين عام صاروا اخوانه كثيريني حروفه ست الاول مع رديفه مدهل المحتار وخامس حرف والسادس بنبرات المحبيني وقد وصلت رمعات اللغز 52 رمعة، ولم يصب في رمعته سوى: قريت اللغز واعجبني وجبت الحل يمك طار هلا بالشاعر اللي جاب لغز زين في زيني واقول الحل تليفون بليا شك واستنفار واحيي فيك تفكيرك وطرحك يابعد عيني احمد بن ناصر المحرج -الرياض هلا ماغرد القمري على الاشجار ثم طار بابن مرشود ودوك الحل اصبته مايباريني واقول الحل تليفون خذ حلي معك تذكار ولغزك حيل ياصالح وله يالقرم حديني منصور شليويح الظريفي-الرياض هلا يامرحبا ياصالح المرشود يالبيطار عدد ما تثمر الاشجار من خوخ ولواميني قريت اللغز بالصفحة واجيب الحل حار بحار وحله تليفون جاء من اليابان والصيني علي الرشيد - رياض الخبراء يامرحب بك يابن مرشود و التليفون حله صار ياما و ياما يابن مرشود زرنا السوق شاريني ياكثرهن ياكثرهن لا جيت بينهن تحتار ياصلك الحل بعد اسبوع و حله لازم يبيني محمد بن عبدالرحمن ابو دحيم - البدائع لغز الأسبوع.. كتبه للصفحة الشاعر محمد بن عبد الرحمن ابودحيم من البدائع ويقول: انشد عن اللي فارضه نفسها فرض غصب(ن) على المخلوق لاجاء مجالي تاتي من الفطره وبالدين والعرض لها بدرب الغانمين اجتوالي فيها من السنه ولاهي من الفرض مرات فيها المر ومرات حالي نستقبل الحلول على البريد الإلكتروني [email protected] وذلك خلال أربعة أيام من نشر اللغز..
