محاورة

عبدالله بن شايق
هلا يا مرحبا في حفل يام وكل بونا يام
ويشرفني بعد لا قلت انا يامي وفهادي
ترى يام محلف قحطان مثل مضيم ما تنضام
يا ملفي حلف يام المجد مع شالح وبن هادي
ملفي المورقي
يدوم الك البقا لو كان حصلنا القبول شمام
لقينا قبلك اللي يكثر الترحيب وينادي
انا دارى انكم وجه محلف من ماضي الايام
تراك مع الطريق الصح لا تايه ولا غادي
عبدالله بن شايق
انا اللي شق لك نور الطريق و زحزح الأظلام
وصرت الرقم الأول منت لا عاشر ولا حادي
وبمكانك تقول انك قديم محطم الأرقام
فلا انته بالوحيد الا معك تسعين جحادي
ملفي المورقي
ترى هاذي سوات الناس احد يرجع واحد قدام
لكن الليله الميدان ميعادك و ميعادي
لو انك قلت هاذي ياوسيع العرف ما تنلام
تناظرني براس الضلع و انته فاسفل الوادي
عبدالله بن شايق
تحلم يا ولد مزيد ترى كل الحياه احلام
تقول الناس صياد الفهود الصبح ينصادي
ما دام ان الكلام ابلاش والدنيا رخا و انعام
لا تستغرب ليا شفت الرديف ايدور اشدادي
ملفي المورقي
انا اوحي لك يابن شايق سوالف من زمان العام
ماغير اتبثها في شاشة التلفاز والرادي
تعرف الذيب يلقى فرصته يوم العباد انيام
من اهل الغرب ولا من هل البصره و بغدادي
عبدالله بن شايق
ياكم فارس عنيد و رافعن خشمه و فيه عرام
يطيح اعناد راسه فالثرى لا جرب عنادي
دريت ان اضعف الاكراد هو اللي شنق صدام
ولولا الزود يا صدام ما صدوك الاكرادي
ملفي المورقي
مادام ان الجمل بعد الهدير اصبح عصب وعظام
ترى ما عاد يحمل غير به خرجين و شدادي
اله مده بحر جده مصاحب شاطي الدمام
وبن شايق يسير بينهن سرداد مردادي
عبدالله بن شايق
انا يالمورقي مالي دخل بين اليمن و الشام
حصاتي نجد و امشي في ديار الناس الاجوادي
اذا كان القصايد فن و ابداع وذكا والهام
انا شاعر مميز وانت اظنك شاعرن عادي
ملفي المورقي
اقول اصبر على دارن حصاها يحفي الاقدام
عتيبه واقفين بشلفهم في كل مرصادي
انا اقول التميز راح وقته وانتهى ما دام
لكن ارتح حفظك الله على دله و برادي