ملفي المورقي أنا أشوف ابن جدلان بين الجماهير سواة الوزير اللي يسحب عباته أكيد إن عنده علم يالله عسى خير ولكن ياراع العلم عجل وهاته سعد ابن جدلان ليا شفت بن جدلان ويش التفاكير ومن صاح من صكات الأيام جاته لا عينت للحمله جماميل وبعير طريق الجمل سمحان درب أمهاته ملفي المورقي لو إنك توعد وش يبا يكون ويصير اعرف الحديث الزين واعرف رواته حليل الجمل مير الجمل طاح في بير على الجمه الزرقاء تدلا لهاته سعد ابن جدلان لو المورقي لاحق على سالم الزير خذا السيف والبرده وسوى سواته مقادير يا قلب المعنا مقادير يوصيك من حبك وتنسى وصاته ملفي المورقي ترى الذيب يوم يروح فزاع وأمغير يدور مع البدوان بلعوم شاته ترى واحد تكثر وراه المداوير عليه السلام أو رحمته وبركاته سعد ابن جدلان ترى من توطته السنين المدابير تعمر قصر فقره وتهدم غناته تفضون راس الضلع يا هل البواكير ولا طاح منكم واحده من حصاته ملفي المورقي لو أنك تعذر ما تفيد المعاذير ترى ما يفيد المسلم إلا صلاته وحنا ليا قمنا نهد الطوابير وياجعل فقر الذيب وألا غناته سعد ابن جدلان محمل عليك أمن الدراهم قناطير لكن طيع شوري ود حملك وهاته أنا خابر صورتك تحتاج تكبير لكن الجهاز إيعجل أمكبراته ملفي المورقي وألا يا سعد ندهن لك السير ويسير وجنب صحيبك لا تنكد حياته هدمنا جبل شمر وباقي شمنصير عسى الدش باكر يطلعه في قناته سعد ابن جدلان ليت المورقي باقي من الكشب للنير بعيره وماه أو قربته وشوهاته صحيب يدور صاحبه باتنانير لكنه هقا في الوقت والوقت فاته
