مجنون ليلى

يا روح روح الروح لا تجرح الروح
وتروح روح اللي يحبك ويغليك
لا صار مالك فالمشاريه مصلوح
حبل الوصل لا ينقطع بين اياديك
داو الفؤاد اللي من البعد مجروح
وانت الطبيب ولاش طب ٍ يضاهيك
دام الوصل بين المحبين مسموح
و مركب غلانا راسي ٍ في شواطيك
اغنم زمانك في وصل مبعد الشوح
و سدد وقارب بين هاذي و هاذيك
مجنون ليلى درس والدرس مشروح
وانته فطين ولا تغر المساليك
لو كان ماني ( قيس ) لكن مذبوح
وانته مدان ٍ والادانه تغليك
شفني على كثر الجفا معلن البوح
وشف دمعتي لا جابو الناس طاريك
و الدمع في سلم المحبين مفضوح
راعيه عرضة هرج ذولا وذوليك
ماني بقايل لك خلاص ابعد وروح
ولاني بقايل جعل ربي يجازيك
اقول لك يا الروح لا تجرح الروح
عوّد على قلب ٍ يحبك و يغليك
هندي عبدالله البقمي