متسول الحب

عزاه يا صدري من الضيق عزاه
قلبي كسير وشايله فوق متني
ليه أتسوّل حبها واترجاه
حبيتها وأغليتها وأرخصتني
إن كان ما جتني على ما أتمناه
دنيا الشقا من نفسها ما انصفتني
يا نفس توبي عن دروب المعاناة
بعض الدروب وغفلتي ضيعتني
ما كل رجلٍ يبذل المال والجاه
ولولا وفاي أهل الوفا ما عرفتني
ولو كل من قلت إني أنساه بأنساه
ما امداني اذكر عالمٍ ناسيتني
وقتٍ يحدك للردى قبل تحداه
ياما تحديت الظروف وحدتني
لو تجتهد لرضاه يهديك شلفاه
وتواجه ظروفٍ قبل واجهتني