احلام الهوى

مدري من احلام الهوى ويش باطول
كم لي وانا سجين باكر .. وبعدين
وكم لي وانا في واقع الحال معزول
عني .. ولا ادري جاي أو رايح منين
تايه بعالم آخره صار مجهول
امشي ولا ادري خطوتي توصل لوين
واعيش حيرة فكر شارد ومشغول
واخرج من احلام الهوى خالي يدين
لاعشت في دنيا الهوى وصرت : مهبول
ويسجل اسمي ضمن باقي المجانين
ولا رجعت لعالم ٍ كان مقبول
اعيش به خالي من الهم والبين
تعبت في دنيا بها السم معسول
وتعبت من دنيا بها الجرح جرحين
تمرني اللهفه ومالي بها حول
أسير مثلي مثل باقي المحبين
وامر والشارع غدى صمت وذهول
واردد اللي قد كتبته من سنين :
اذكر وانا في حضنك الدافي تقول:
بشيل حبك واحفظه داخل العين
واليوم حلمي في الهوى صار مقتول
لاياخسارة مابنيناه الاثنين
وعدتني تبقى حبيبي على طول
واليوم وينك ياحبيبي .. وانا وين