حبيب لي بالأمس واليوم ضدي

تايه غريب الدار من دون عنوان
امشي ولا ادري وين دربي مودي
فيني علامات الشقا والتعب بان
حتى الزمان المر عيا يعدي
طويل دربي والبلا مابه امان
مابين خايف ومتردد وودي
اخاف من ليلٍ يروع اذا حان
موحش ظلامه والنظر دوب حدي
اصبحت انا من سبّت الدرب تعبان
والحال صارت للاسف في تردي
محدن ابد حولي ولا كاينن كان
اصيح واسمع صوتي اللي يردي
يأسي غداله داخلي للأسف شان
والنفس مضطربه وانا اقول هدي
رحلت ماابي للأسف شوفة انسان
حبيب لي بالأمس واليوم ضدي
خليت له ديرة هلي غصب لو شان
حالي وصرت اليوم انا في تحدي
اببتعد عن كل موطن وسكان
واعيش اصارع جزر قلبي ومدي
وحدي اعيش الجرح مع زحمة احزان
اتذكره والدمع يجري بخدي
تايه ولكن للأسف دون عنوان
امشي ولا ادري وين دربي يودي
يوسف الخلف