ترويقة ترف

ياللي شقاي وضيقتي واسباب حزني من طرفك
وش ينفعك من قسوة أيامي ومن قسوة جفاك
يابخت منهو ماعرف طعم الغرام وماعرفك
الا يابخت اللي بعد عرفك تمتع في هواك
من روعتك يومن قلبي طاح فالحب أحترفك
ياأروع من الروعه وأعز من القصيد ومن سواك
لو أنت خمسميه بجيب أكرم بنادم ماصرفك
على كثر ماتمد يده المال كفه ما عطاك
ولو كنت دمعه في عيون يتيم يبطي ماذرفك
لو كان حزنه يكفي الدنيا مدامع مابكاك
ليت النصيب اللي جرف قلبي على دربك جرفك
وليت الغرام اللي خذاني غصب لأوطانه خذاك
يانخلةٍ مافيه مخلوقٍ طمع فيك وخرفك
والريح ماهزت جريدك والسماء ماقد غزاك
أموت في تمرك وفي روعة تعاليك وورفك
وأبي ظلالك وأشتهي لاماك وأطمع في رضاك
لكن ذبحني ثقلك الهادي وترويقة ترفك
وغرربي الحب العظيم ولاكسبت الا شقاك
حسبي على زينك وترتيبك مع الزين وسرفك
بالمغرم اللي ظل عن درب المحبه واهتداك
مع صونتك لاسم أهلك المصيون وصيانة شرفك
علقتني بين أرضي أم الحلم وغواية سماك
وبقيت في هالحال لامبعد ولاني في طرفك
صابر وفي قلبي عباره كل ماتبعد هناك
يابخت منهو ماعرف طعم الغرام ولا عرفك
الا يابخت اللي بعد عرفك تمتع في هواك