يومنا يوم الوطن

يومنا يوم الوطن يوم تحقيق المحال
يوم توحيد الكيان اللي نباهي به ثمين
يا وطن يا قبلة الكون يا فَيّ وظلال
سلسبيلٍ نشربه من صافي العد المعين
يشهد الله ما على الدنيا شبيه ولا مثال
ذي بلادي حاكم ومحكوم والمولى ضمين
البلاد اللي حباها الله بِجْلال الرجال
تنتشي في ثوبها الزاهي على مر السنين
كلمة التوحيد مبداها ولا عنها بدال
قالها عبدالعزيز وأمنوا يا سامعين
للوطن بأقصى الضماير مداهيل ومجال
ولا عن البيعة تزعزعنا جموع الحاسدين
أينعم نفخر بتاريخ في شبه الخيال
حققه عبدالعزيز وقادها شعبها متكاتفين
وحّد أطراف الجزيرة وثبّتها وقال
ممكلة عز ورغد شعبها متكاتفين
من بعده أبنائه الغر وافين الخصال
حققوا نهضة عظيمه وكانوا مخلصين
ويومنا الحاضر لبو متعب أيا سمح القبال
خادم البيتين حاميها إمام المسلمين
يشهد الله ما ثنينا ولا فيها جدال
ترخص الأرواح منا ودومٍ صامدين
وإن دعانا شيخنا يم ساحات النزال
كلنا لبى نداه وكلنا متعاضدين
قامت الدنيا ولا تقعد ونقلبها وبال
نكعم الخشم المغطرس ولا يمكن نلين
يا بلادي يا صروح المجد يا الشهد الزلازل
نسهرك حراس والقائد أبو متعب أمين
ليتها تبطي بك الدنيا يا حمال الثقال
يشهد الله في سويدا القلب لك حبٍ مكين
عقيد فهد متعب الحربي – المدينة المنورة