إنا غلاك مع أسود الما شربناه

قصيدة ترحيبية بمناسبة قدوم صاحب السمو الملكي الأمير سلمان بن عبد العزيز حفظه الله.
حييت يامير قليلٍ مثيله
اللي ليا منا نصيناه نلقاه
في مجلس مفتوح يومه وليله
يا قل والله من يسوي سوياه
أبو فهد ينصاه من قل حيله
ويلقى بواشير السعد في محياه
ما شح في جاهه وفعل الجميله
يقضي لزوم اللي عناله وحاكاه
ومن فرج الكربات ربي وكيله
يلقى جزاء ما يفعله عند مولاه
تكرم يده عن اليدين البخيله
يفداه من ردت يدينه عطاياه
ركن يعد من الركون الجليله
شيوخنا الي تلحق العلم لاقصاه
يابن الذي غارت على المجد خيله
عبد العزيز الفيصلي حامي احماه
شيخ ظهر يوم المراجل ثقيله
وقت به الرجال تعرف خفاياه
يا سيدي يا كبر قدر نشيله
بقلوبنا لك يا بيض الوجه شلناه
وبعيوننا مكانة لك مهيله
أكبر من جبال الحجاز المسماه
عنا تعدي كل عيله وميله
وأنا غلاك مع اسود الما شربناه
هذا الصحيح اللي ثبات دليله
تاريخنا ابيض بأول الوقت وأتلاه
مشاعري صارت بيوت جزيله
في سيدي الله يحفظه ويرعاه
مطلق بن فالح أبو جراح أبو ثنين