مطلع العام الدراسي

مع بداية مطلع العام الدراسي
واجبي يملي علي اكتب قصيده
والمعاني حاضره من مخ راسي
طالعوها وسط صفحات الجريده
ياشباب المجتمع شد الحماسي
لا تضيّع فرصة العمر السعيده
لا تضيّع فرصتك وتقول ناسي
وقت منك يفوت ما تقدر تعيده
يا شباب الله ترى ما منه ياسي
طالبه ماخاب من فضله يزيده
اطلب الله عنك يبعد كل باسي
واطلب التوفيق مع حسن العقيده
وانتبه تصبح ضحية للنعاسي
الكسل ما منه ناسٍ مستفيده
للدراسة حضروا خمس الحواسي
ياعماد الدين يا ثروة رصيده
باجتهادك حطم الرقم القياسي
باذل المجهود يدرك ما يريده
العلوم النافعه مطلب اساسي
للحياة شعار والطالب تفيده
والجهل ساس البلاوي والمآسي
هدم بيوتٍ قواعدها جويده
وكل ما يلزمك للعام الدراسي
ما تقصر به حكومتنا الرشيده
رائد التعليم عاهلٍ السياسي
المليك اللي عسى سنينه مديده
يدعم التعليم دعم بلا قياسي
لجلكم ينسي مشاريعٍ جديده