أدوّر لك عذر

أحبك كثر مالدنيا تجور وفرقت خلان
أحبك كثر مالقمري يحن ويلحق أسرابه
أحبك كثر ما مالت على متون الهوا الأغصان
أحبك كثر ما طفل منامه داعب أهدابه
أحبك كثر ما اخطيتي واقول آسف أنا الغلطان
وادور لك عذر يوفي قبل تبدينه ابدابه
احبك كثر ماغبتي كثر ما بالحشا نيران
كثر ما الهم في صدري يهيم ونوخ اركابه
أنا صحرا بلا حبك يموت أبهاالشجر عطشان
أنا لوما قصيدي فيك أقوله ناري أولى به
إذا كلمة (حبيبي) لك تهز لهيبتي اركان
اقول اليوم يا عونك وعزي كامل انصابه
أحبك حب ما حبه على مر الزمن إنسان
أحبك لو على موتي ... هلا بالموت واسبابه
(غرامك صار عنواني وانا قبلك بلا عنوان)
مثل من ضيع اوطانه وضاع وضيع احبابه
ألا يا حبي الأول كفانا ما مضى هجران
تعالي وارحمي قلبٍ لغيرك ما فتح بابه