مات الملك والله يعوض الوطن خير ويعوضنا في فقد عاهل وطنا فقده مصيبة له على الشعب تأثير الحاكم اللي من رحيله حزنا يا كبر فقده كنه طويق والنير أو كبر ضلعان اليمن لا زمنا الحاكم اللي يفعل الطيب والخير ومن زود خيره ضمنا واحتضنا الحاكم اللي قاد كل الطوابير حماية في الدار منا ومنا الحاكم اللي طور الدار تطوير لين أصبحت دار السعودي تغنا الحاكم اللي قادنا دون تقصير وحنا رضينا بالقيادة وقلنا قاد المسيرة في الليالي المعاسير وقت الرخاء بأمن السعودي سكنا يا طيب فعله ما تحلا به الغير يا الله بالإحسان تجزاه عنا وله وقفة فيها تحير التفاكير في خدمة البيت الحرام قد تعنا وله وقفة ينطق بها كل تعبير وقفة شرف في المصحف اللي تبنا أحب أبين سيرته في تعابير عساه في الجنة زبون المجنا آمين يا منشي القنوف المزابير ياللي علمت السر في كل ظنا حرٍ تبين من حرارٍ مشاهير ومن راس شيخٍ في الجزيرة يسنا عبدالعزيز اللي حكمها على بعير ولولاه بعد الله بها ما مكنا ونرفع عزانا للشيوخ المناعير ملوكنا اللي في ذراهم سكنا وعسى العوض في اللي مسك خطة السير عبدالله اللي يفتخر به وطنا وسلطان ابو خالد كثير المخاسير اللي على أهل الدار دايم يحنا وصلاة ربي عد ما غرد الطير على نبي عزنا ماخذلنا جمل محمد آل راجح القحطاني
