يا من يبشرني عسى نايف بخير

عساه طيب سيدي ومتعافي
الله يجيره من صدوف المقادير
ويبقى سليمٍ سيدي ومتشافي
نايف ذرانا فالليال المعاسير
لا طوحن بالصوت سود الغدافي
يومٍ ان بعض الناس جاب الاشاوير
نايف تصدى ما تخاذل وخافي
قال العذارى دام انا حيٍ بخير
ما تنوخذ بنت الوطن بانجرافي
تبقى على حشمة وعزة وتقدير
عينٍ لها فرشٍ وعينٍ لحافي
يا قو باسك يا زبون المخاسير
انا اشهد انك يالسنافي سنافي
دون الوطن ترسي كما يرسي النير
يزبن ذراك ابن الوطن مايخافي
حر اليا منه شهر نظرته غير
يرمي على راس الهدف باحترافي
شرٍ على العادي وما يظلم الغير
ياخذ حقوق ويعطي الحق وافي
ويثبت اليا صكت عليه الطوابير
لو هي ثقيلة عند نايف اخفافي
مثل ولي العهد لا يمكن يصير
مثل المطر خيره على الناس ضافي
عن فعل نايف يقصرون المناعير
القايد اللي ما عليه اختلافي
دامه بخير وعافيه شعبه بخير
ودامه ولي العهد ما به خلافي
- مها المطيري