يالله يا للي من ترجاك ما خاب

في رثاء الفقيد الشاعر محمد عبدالله العسيلي الذي وافاه الأجل يوم الأربعاء الموافق 26-1- 1425ه تغمده الله بواسع رحمته.
الله من قلب عليل ومنصاب
شي قديم وجاه علم يزيده
نجم لمع في حرب عقب ارتفع غاب
غيبة مودع والليالي مديده
هذا المقدر والمقدر له أسباب
وانا أشهد أنك بالعسيلي فقيده
فقيدة على القبيله والأصحاب
وحتى الوطن يبكي لفقدك صعيده
فيك الوفا والجود للعز طلاب
وسيرتك في كل المواقف حميده
الله عطاك من أفضل الوصف ما طاب
والعلم والحكمه مع أريا سديده
لانته بفحاش ولانته بسبّاب
على النقا واضح سليم العقيده
بشوش متواضع كثير الترحاب
والمجتمع من فيض علمك تفيده
مواقفك بالصلح واعتاق الارقاب
كل عرفها والمفاوض تجيده
لكن عن المكتوب ما تفيد الأطباب
الله بحكمه فاعل ما يريده
يالله يا للي من ترجاك ما خاب
يا مبدل الدنيا بحال سعيده
يا معطي الجنه ويا رب الارباب
ادعوك بأسماك العظام العديده
تكتب له الجنه بلا حساب وعقاب
وتنجيه من حر اللهيب الوقيده
عبدالله انته من عريبين الأنساب
وأبوك رجل من خيار البديده
انظر لفعله نظرة إكبار وعجاب
واللي حفظته من كلامه تعيده
وأقبل تحياتي بلا عد وحساب
والله يعزينا بفقد الفقيده