كل عمل يُراد له النجاح يجب أن يكون ذا هوية واضحة؛ حتى يتمكن من القيام بالرسالة التي يعمل من أجلها.. (مدارات شعبية) رسمت لها صورة واضحة عن الدور الذي تقوم به، ألا وهو المحافظة على الموروث الشعبي.. وخاصة ما يتعلق بالشعر الشعبي.. والانحياز لكل مبدع.. وعمل توازن بين تقديم الجديد والقديم وحرية الرأي، ولم تغفل متابعتها المستمرة لأحداث الساحة الشعبية. أعرف تماماً بأن شهادتي في (مدارات) مجروحة مسبقاً، ولكن هذه الحقيقة.لقد ساهمت (مدارات) في تقديم الشعراء الشباب وإتاحة الفرصة كاملة لهم.. وها هي تقدم لكم اليوم نموذجاً مشرفاً لأحد الشعراء الشباب في (12) ورقة فقط.. تابعوا الشاعر راشد فارس. وتذكروا هذا الاسم جيداً. ورقة أولى.. إحساس وشعور يوم القصيد ابيات واحساس وشعور كتبت له.. حتى ان صدره مليته قال انت رائع ليه ما تكون مشهور قلت انت تدري.. يكفي انك قريته ورقة ثانية.. السبع العجايب الوقت لو في مغرياته نجاريه رحنا ورى سود النويا ذهايب والكون لو نكشف عن أسرار ما فيه شفنا مع السبع العجايب عجايب ورقة ثالثة.. عمر الثواني ياما بغيباته سهرت وتصبرت وحسيت كيف يطول عمر الثواني وأنا أدري اني لو نسيته تذكرت ويا خوفي انه لا نساني نساني ورقة رابعة.. مقادير يا للي عليّه سايقتك المقادير عساك تقضي والرزايا خفايف والله يا بعض الصدف ما بها خير ما غيرهم وضيق بال وحسايف ورقة خامسة.. قلم.. أوراق شرهتك للقلم ووجيه الأوراق مير يا ضيقه الخاطر تواني وانت يا للي تقول البعد ينطاق ليت الأيام سوتبك سواتي ورقة سادسة.. سكوت.. قصيد على سكوتي ما أذكر اني تندمت لا صار بعض الحكي يقتل طموحه الاَّ القصيد اللي بعمره تقدمت هو صوتي اللي نصف عمري بنوحه ورقة سابعة.. مساء.. الضحكة يسعد مساك بكثر ما نيب مشتاق للضحكه اللي من حلاها فريده ويسعد مساء رمشٍ اذا هم باطراق اومت عراجين الخفوق وجريده ورقة ثامنة.. تغيب ويزيد الغلا منتب مثل غيرك ولا فيه حلياك ولحد بسماء حبك ولا في ترابك أقول غيب وكلها يوم وانساك وتغيب ويزيد الغلا في غيابك ورقة تاسعة.. إحساس بالوحدة أحيان لو حولك كثيرٍ من الناس تحس بالوحدة وكنك لحالك مع كثرهم محدٍ يشارك الاحساس كلٍ بفاله وانت رايح بفالك الورقة العاشرة.. سهر.. عشق.. شعر حداني للسهر عشقٍ فرق بالقلب ناس وناس وصداني للشعر ضيق الخفوق وكثرة اوناسه على طاري هنوفٍ حبها بالقلب ثابت ساس بعدها كل من مرت عليَّ تمر عساسه الورقة الحادية عشرة.. ربما.. محتمل.. أمل منتب على بعضك ولا بعضك عليك وربما الوضع في تفكيرك أكبر من يصير ومحتمل ولا انت ما جابك هنا الا انك ضمن الانتما للعاشقين اللي يعيشون الحياة بخيط أمل الورقة الثانية عشرة.. مواعيد ابك انت صوتك بس صوتك لياهل ادبك مواعيد الحضور وخطفني صوتك لحاله منه لا شبع ولا أمل ولفتله كثر الشقاء ما ولفني
