هذه القصيدة رثاء في عمي ووالدي حمود بن مرثع المرشدي - رحمه الله - الذي توفي يوم الجمعة 22-12-1424ه مرحوم يا بو سعد يا طيب الفالي مرحوم أنا أقولها وغيري يقولونه عليك هلت دموع الحزن همالي والقلب عيّا يطيع اللي يعذلونه والله ما دله وقلبي فاقدن غالي وأكبر مصيبة عليّه يوم يطرونه أفديك بالروح ومعه المال وعيالي ولو كان يفدا فديت القبر من دونه لا شك راضي بحكم الواحد العالي سبحانه اللي جميع الناس يرجونه يا رب تجعل له الجنات منزالي بجنان خلد ومع البيبان يدعونه ويا رب تغفر ذنوبه أول وتالي ويا الله عسى كتابه بيمناه يعطونه ويا الله أنا طالبك يا راحم الحالي عساه من سلسبيل اليوم يسقونه ومن تحت عرشك عساله ستر وظلالي والطف بروحٍ مضت بالخير مصيونه انشهد انه عريب الجد والخالي شيال حمل الضعيف اللي يخلونه القصر للضيف والجيران مدهالي وفي مجلسه للنشاما الكيف يدنونه ماهوب من يرخص المعروف بريالي عزيز نفس وجميع الناس يغلونه ولاهوب يسمع من أهل القيل والقالي أهل الحسد والنمايم ما يمرونه يفداك ناس تكيل الشر مكيالي رفيقهم فالشدايد ما يواسونه أيام فيها نذوق المر والحالي وأيام مهما صفت ماهيب مامونه وصلاة ربي عدد ما ينشي اخيالي على نبيٍ مثل لون القمر لونه
