يسقيك ربي

الكودا الدريعان
يا قبر مروح الغيث يسقيك
يسقيك ربي من صدوف الخيالي
ما هو علشانك علشان راعيك
انشهد ان اللي نزل فيك غالي
يحدني وقت من الضيق واجيك
واجلس على جالك وحيدة لحالي
يا قبر اغليك من واحد فيك
وجدي على شوفته ويا بري لحالي
ليتك يا بوي مع العرب حي وارجيك
لو غبت عن عيني سنين طوالي
ليتك تجاوبني ليما قمت اناديك
واشكي عليك صدوف الليالي
شالوك من عندي وأنا قمت أباريك
هاك النهار الصبح يا شين فالي
وحطوك في قبر وحيش هيالي
وعيوني استرسلت بالدمع مما جرى لي
لو طالت الأيام ماني بناسيك
مرحوم يا عز الرفيق الموالي
ماني يا عين من الدمع ناهيك
ما دام يصلاني من الهم صالي
أبكي على حاضر زمانك وماضيك
وعسى العوض في مقبلات الليالي