تخيل

يا حبيبي لو جمعنا
تصير ايامنا افراح ومسره
ويتحقق بها لدنيا طمعنا
سوى نقضي العمر حلوه ومره
وللعاذل وعذله ما سمعنا
لسانه شر وان ما كف شره
يموت بغيظه وربي منعنا
حبيبي حبك بقلبي مقره
ولا كل الشعر يعطيك معنى
وبعض الشوق لو تدري مَغَره
عسانا نصدق ويصدق ولعنا
عرفنا الحب كيف وكيف حره
سبايب جرحنا وسبة وجعنا
أخذنا بحره بعيد وبره
عجزنا ناصل حدوده وضعنا
وشلنا عن جميع الناس سره
نبي الكتمان ياسع ما وسعنا
محبتنا العفيفه مستمره
بديرتنا وميزة مجتمعنا
سألني من يعاتب وينتشره
وش اللي حدنا لهذا ودفعنا
وهو لو عنده من الحب ذره
أبد ما ضرنا لو ما نفعنا
سلطان آل منيف