خفايا الجرح

يا حبيبي لا تعذبني وانا ما قلت كافي
زاد تعذيبك وهجرانك بما فيه الكفايه
انت تجرحني وجرحك داخل الاضلاع خافي
تجرح القلب الحنون اللي هواك من البدايه
ما تشوف الجرح في قلبي وطبعاً ما يشافي
ما تشوفه لو تشوفه كان قلت الموت جايه
ليه ما ترحم حبيبك ليه قل لي ما انت وافي
ليه ماحققت غاية حب قلبي وانت غايه
ليه قل لي ما انت في درب الهوى يا زين صافي
ليه انا اعدك على كل البشر غاية منايه
اختصرها كان ما انت بحبنا يا زين وافي
خلني بامواج شعري من ولايه في ولايه