رعشة أطرافي

هلا يا شمس ايامي وقمرا ليلي الصافي
هلا بك قلتها صادق من الاشواق واعماقي
دخيلك لا تعذبني وتجرح قلبي الوافي
مصير الهجر يا عمري يبرد دافي اشواقي
أنا في داخلي عشق تقوله رعشة اطرافي
يبين لوعة الخافق ويحكي صدق ميثاقي
تعال اقاسمك همّي عسى تقبل بالانصافي
عسى تجبر بقلب تاعس من حرّ ما ذاقي
يسايرني خيالك في ثانيا غيمة اطيافي
يذكرني حلاة الشهد إذا ما ناض براقي
صحيح الحب ذوقه يا حبيبي شهدك الصافي
ولكن لو تلاشى الشهد وش لي في الهوى باقي
هقيت إني بلا عشقك بحقق غاية أهدافي
لقيتك أجمل أهدافي وأروع ما في اوراقي