رعشة أطرافي

هلا يا شمس ايامي وقمرا ليلي الصافي
هلا بك قلتها يا سيدي من وسط الاعماقي
دخيلك لا تعذبني وتجرح قلبي الوافي
مصير الهجر يا عمري يبرد دافي اشواقي
انا في داخلي عشق تقوله رعشة اطرافي
يبين لوعة الخافق ويحكي صدق ميثاقي
تعال اقاسمك همّي عسى تقبل بالانصافي
عسى تجبر بقلب تاعس من حرّ ما ذاقي
يسايرني خيالك في دجايا غيمة اطيافي
يذكرني حلاة النور إذا ما ناض براقي
صحيح الحب ذوقه يا حبيبي ودك الصافي
ولكن لو تلاشى الود وش لي في الهوى باقي
هقيت اني بلا عشقك بحقق غاية اهدافي
لقيتك اجمل اهدافي وأروع ما في أوراقي