لغز الأسبوع

نشرنا في عدد الجمعة الماضية لغزاً كتبه الشاعر دغيم بن فهيد الخمشي وكان نصه:
يا ويش عذرا ساكنه جوف رجال
قدم الملا شاله وضمه بجوفه
رجالها شاله بكروه وحمّال
ولا خاف من ضيم الدهر والكلوفه
وقد ظنها البعض «شريحة الجوال» إذ وصلتنا حلول كثيرة تقول ذلك..
بينما الصحيح هو ما توصل اليه الشعراء التالية أسماؤهم وحلولهم ممن اكتملت في حلولهم الشروط المطلوبة للنشر:
أزكى تحية عبر الارسال تنقال
لأهل الوفا والطيب وأهل المروفة
اللي لهم في شعرنا دور فعّال
وإلا الرسالة مثلنا ما تطوفه
فهد الجروان - الزلفى
يا مرحبا تعداد الأحجاز ورْمال
واعداد ما خط القلم من احروفه
يا ابن فهيد اللغز طاري على البال
هذي رسالة عارفينٍ اوصوفه
فالح غازي الحربي - رياض الخبراء
اكتب سلامي دايمٍ ضمن الارسال
لربوعنا اللي بالجزيرة تشوفه
يابن فهيد اللغز يا طيب الفال
حله رسالة لاجِيَهْ في ظروفه
علي رشيد الرشيد - رياض الخبراء
برسل حلولي للجزيرة بمرسال
يا صفحة للغز دوم معروفه
اللغز حله واضح ما به جدال
رسالة مظرفه ذي وصوفه
معجب مطلق الشكرة - الأفلاج
حييت يا كاتب جزيلات الامثال
نفسك عن الهزال المعاني عزوفه
رسالتك جتني وعلمك على البال
يابن فهيد الي تشوفه نشوفه
محمد عبدالكريم الغزي - الزلفي
اللغز يا دغيم على كل الأحوال
واضح وضوح الشمس كل يشوفه
رسالة في ظرف تحتاج الإرسال
ساعي بريد شاله في كفوفه
محمد الحميدي الشمري - لينه
بديت ذكر الله على كل الاحوال
الواحد المعبود جابر ضعوفه
واللغز حله رسالة ما به إشكال
في صفحة التراث كل يشوفه
ناصر البسام - الأسياح
لغزٍ ثقيلٍ محكمينه بالاقفال
واللي يبي فتحه يشوف الكلوفه
لا شك عندي له ثمانين مدخال
واكتب رسالة شكر للي يحوفه
مسلم بن ساير الحربي - قبه
يا بو فهد برسلك اليوم مرسال
رسالةٍ لاهل القلوب العطوفه
فيها علومٍ تشرح الصدر والبال
وإجازتك عندي تراها مخلوفه
سعد بن عبد العزيز المثيب - قبه
يا مرحبا باللي كتب زين الامثال
لغز جديد ومحكمات حروفه
والحل عبر الفاكس ياصلك بالحال
«رسالة» في وسط ظرف نشوفه
عطا الله بن سليمان العطا الله - الزلفي