نشرنا في عدد الأسبوع الماضي لغزاً كتبه الشاعر صالح بن تركي بن باين وكان نصه: أنشدك عن رجلٍ يساوي ملايين ما أحد عرف شكله ولا اعرف وصوفه يسكن مع الأفراد ومع السلاطين دايم ورا الأبواب ما أحدٍ يشوفه ما دام هومستور زينٍ على زين والى انكشف للناس ما به حسوفه وقد جاءتنا عشرات الحلول الصحيحة وبعد فرز ما اكتملت فيه شروط النشر جاءت كما يلي: يا راعي الألغاز ما هي تخامين اللغز واضح والوصوف معروفة السر وسط الصدر ما شيف بالعين أخفى من المكتوب داخل زروفه محمد مهل الرشيدي - عنيزة *** يابن بيان السر ما بين الاثنين محفوظ بالصندوق ما احدٍ يشوفه وإلى درى الثالث ترى الناس دارين لا لا يغرك من يكثر حلوفه سعد بن صنهات السهلي - الدرعية *** النشده اللي وسمها بس حرفين راع المعرفة لو سرح ما تطوفه تطري على باله بعرف وبراهين وتجمله لا من تلافت ضيوفه وتنزله في موضعٍ بين قوسين ليما غموض «السر» يكشف حروفه فهد الجروان - الزلفي *** لا جيت صالح بلغه بالمضامين في حل لغزه ما علينا كلوفه السر لا جاوز من الناس شخصين يشيع ذكره والمخاطر تحوفه عايد بن نوار الفدعاني - الرياض *** أهلا عدد ما غنت الورق تلحين اللي سمع صوته ومنهو يشوفه لغزك يا بو تركي على الراس والعين وقول حل اللغز ما به كلوفه الحل سر ميزته بين الاثنين وان انكشف للناس بانت احروفه فالح غازي الحربي رياض الخبراء *** اللغز يا صالح تبين لنا زين وأنا كتبت الحل واحسب حروفه حيثك فهيم ومن رجال فهيمين ومن لا حفظ سره قليل معروفه يوسف عوض الرشيدي - عنيزة *** يا مرحبا اعداد ما تبكي العين واعداد حج البيت واللي يطوفه السر حله والمعاني ملايين ومن عادة العربان محد يشوفه محمد الشايع - بريدة *** يا صالح التركي ترا الحل بيتين سرٍ يشيله كل رجلٍ بجوفه سر الرجال الطيبين الحشيمين اللي كرمهم كل عينٍ تشوفه مشعل بن معوض العتيبي -عنيزة *** ربع الجزيرة صفحة الشعر قارين وأيضاً التراث ابكل جمعة نشوفه وارجالها تختار من قولها الزين الله يساعد من ايجمع احروفه السر حل اللغز ما فيه تخمين والعاقل اللي يحتفظ به ابجوفه علي رشيد الرشيد - رياض الخبراء *** أهلاً هلا بك عد ما قالوا أهلين واعداد رمش العين واللي تشوفه السر محفوظٍ قديمٍ وذا الحين عند الرجال وساجنينٍ حروفه مساعد بن عبدالعزيز الشايع - بريدة *** يا هل الصحون اللي تشيل البعارين الطيبة عند الرجال مخلوفه والطيب له عند النشاما براهين وتميز الكذاب كثرة حلوفه والسر له عندي مكانة وتثمين لو العواذل يابن تركي تحوفه محمد عبدالكريم الغزي - الزلفي *** دن القلم واكتب للاجواد بيتين وخص الحميدي واللي يقرا حروفه السر يبغى له رجال وفيين دايم ورا الأبواب محد يشوفه ريان عبدالله الهدلق - بريدة *** ما قال أبو تركي على الراس والعين بأبياته اللي قالها ومعروفة أنا اشهد ان السر ما بين الاثنين واليا تفشى الناس تشهر سيوفه واللي علينا نمسك السر ما يبين قبل المشاكل والعنا والحسوفه محمد بن عبدالعزيز الخنيفر - أشيقر *** يا مرحباً بك عد نبت البساتين في صفحة بالمجد دوم معروفة واللغز يا صالح كتبته بتمكين وأبدعت في معناه وأيضا حروفه والحل «سر» لو تجاوز للاثنين يشيع بين الناس ما أحد يطوفه عطا الله بن سليمان العطا الله - الزلفي *** يا صالح اللي تكتب اللغز ويبين الحل مثل الشمس كل يشوفه والسر ما يبدا لناس ضعيفين واللي حفظ سرك عليك معروفه إبراهيم حسن القحطاني - بريدة *** السر معروف يا صالح لشخصين وإن زاد عن شخصين ضاع معروفه جعلك عزيز ومن رجال عزيزين ومن له عيون أكيد دربه يشوفه سبيتان صنيتان الرشيدي - بريدة *** اللغز حله واضح للفهيمين وفي لغز صالح ما لقينا كلوفه للسر لا تبدي ولا الناس دارين وحفظان سر الآدمي وسط جوفه حبيب عوض الحنتمي - بريدة *** صالح كتب لغز على العسر واللين والحل يا صالح نسطر حروفه جتك الحلول الوافية وسط بيتين والسر لا تبديه لناس مخفوفة منصور بن سليمان الجمعان - بريدة *** على الرسايل يكتبون العناوين من فوق والمضمون يبقى بجوفه ما يحفظ الأسرار غير الشريفين أمانة عند الرجال معروفة
