كني الغصن الندي

يانسيم الصبح.. بلغه اهتمامي واشتياقي
بعده.. أحلامي تهاوت من سماها دون قيمه
حبه اللي بالحشا موجوع من حر الفراقي
كل يوم.. تجدده صوره.. لها ذكرى قديمه
كني الغصن الندي في عزلته في ركن ساقي
كل.. ما هب الهواء.. كنه يذكره.. الهزيمه
ليت لي حيله وادور درب باخره التلاقي
الصبر.. كمل.. ولا له طاقةً ينطر.. نديمه
كبدي اللي كل يومٍ دونه تزيد احتراقي
وش جداها. من فراقه غير تجديد العزيمه
شوق عيني شوفته جنبي على رجلٍ وساقي
شوفته.. تبري الجروح اللي لها مده سقيمه
هل.. لعمري اللي قضيته بانتظاره له بواقي
وهل.. لدمعي اللي بكيته فرحةٍ فيها غنيمه
جاوبوني واكسبوا المعروف من قبل اختناقي
وش جزا.. من ياكله قلبه من الفرقا ظليمه..