القلم والكتابة

يا محرم على اوراقي حضور القصيده
خيرة الله عليك اطلق رهينة غيابك
القوافي غدت مثل الخيول الشريده
وين ما تتجه يتبعن وجهة ركابك
واحتبس منك دم المحبرة في وريده
شوف حتى القلم ما طاق قسوة عذابك
كيف اعاتبك؟! كيف اعطيك فرصة جديده
انت شوّهت مفهوم العتاب بعتابك
كان لي فيك ياماكان هقوة بعيده
يجذبنّي حبال الصيف واتبع سرابك
اتعبتني مسافات الدروب العنيده
لازم اسألك واتحمّل فجيعة جوابك
قول م اابيك والفرقا طرقها عديده
كان عندك شجاعة صدق تبرح جنابك
خذ معك كل شي غير القلم والقصيده
ما لها ذنب تاخذها رهينة غيابك
الحميدي الثقفي