أطراف ليل

ما غير أنا والهم والهوجاس والدرب الطويل
وأطراف ليل(ن) عجزت عيون السهر تلحق مداه
أنا غريب الدار ومسافر وقلبي لي دليل
دخيل موجك يا بحر جده تبلّغه الوصاه
* * *
أسمع لخيله في حنايا الصدر مركاض وصهيل
إلا الوكاد إنه خذا ذودي وهجّه وأقتفاه
يا بحر أخبرك تلهم العشاق وأداوي العليل
ياكم على شاطيك ناس(ن) ذاقت الحب وعناه
لا جاك قل له صاحبك ما هوب يرضى بالقليل
يآصل لها لو دونها مكتوب موته والحياه
يسعد صباح الورد لا هب الهوى غصنه يميل
ولا بانت نجوم السما المزيون يسعد لي مساه
يا بحر هذا اللي جرى صحيح ما يخدم بخيل
وأنت البحر وش عاد تبغي وصل الهاوي هواه
محمد بن سيّاف