من يشبهك

صدق أربعين من الشبه يخلق الله
إلا انت واحد دون تسع وثلاثين
من شبهك يا مالك الحسن كله
من شبهك يا سيد كل المزايين
يا بو رموش فوق خدك مظله
عقبك غدوا كل المزين مساكين
دقة من غيرك وإنت ماخذه جله
عليك ما شاء الله لا تصيبك العين
قلبي حلالك إملكه واستحله
حلالك لحالك ولا فيه ثانين
أقسى القلوب إيلين شافك تتله
ينس القساوة يا هوى القلب ويلين
الهرج عنك إن طال والله ما أمله
ما أمل لو سولفت أنا عنك سنين
واحد وطير خافقي من محله
وشلون أجل لو فيه تسع وثلاثين
الشاعر - طلال العبدالله الرشيد