يا خالتي!

مرثية في خالتي الغالية/ نورة بنت سلطان الطيار والدة زياد بن علي الجربا الشمري رحمها الله .
يا خالتي فبكاي ما يلحقن لوم
فرقاك يا نوره علينا كسيره
ليت المنايا جاتني قبل هاليوم
ودمعي وراه أبكى عيون كثيره
تبكيك عادات وتقاليد وعلوم
عظايم فيها جروح حسيره
ويبكيك من هو ضايع الحق مظلوم
وللملتجي عندك ملاذ يجيره
وتبكيك حايل صابها ذعر وهموم
كنتي عليها شمس عصر منيره
يا بنت الشمال اللي بك الفخر وعزوم
انتي سندنا فالأمور العسيره
وتبكيك أرض فصلها ربيع ووسوم
ويرثيك كم مجد بنيتيه ديره
جود عطاها كامل الخير مرسوم
جود ظلاله واضح بالجزيره
أميرة بنت الصناديد وقروم
الله خلقها للفضايل بريره
ومحبتك في كل قلب هي تدوم
ويشهد الله عالم بالسريره
يا الله يا فارض صلاة على صوم
مكانها جنات عدن غديره
وتمطر عليها من الروايح والغيوم
في روضة بالورد فايح عبيره
أنس بن محمد بن عناد الشمري