فرجة خلا

ودون المواريد جنح الليل مترامي
البال طول الرجا والصبر ماسره
لو كان قلبي على الفرجات مقدامي
موجات فكري من الايام مفتره
عزي لمن هو سرا وركابه حيامي
هوج المعاصيرحدتني على الحره
لين التعب شب ضوه داخل عظامي
يابوحمد لاذكرت البكره الحره
قمت اعتزي بك ومثلك سيف وحزامي
من يعتزي به بوقت الضيق ماغره
وصداقته ماتغير طول الايامي
وقت الزعل والمعاند يتقى شره
يحسب حسابه نهار الموقف الحامي
قبل المطر والعجاج يضيع الجره
انت الدليله وابي ممشاك قدامي
كبدي من علوم بعض الناس محتره
صداقةاهل الرخا ماتسقي الضامي
ناس على خشومهم ماتدبي الذره
وعلومهم ماتحقق مثل الاوهامي
تشبه علوم العرب لمحمد الدره
لو اتحرى وعدهم ضاعت احلامي
مهما اتضايق وافك الثوب وازره
ماكل درب عليه اطاوع اقدامي
بيت الردي والبخيل اموت ما مره
هذي حقيقه عليها بصمة ابهامي
عسى البخت يبتسم بالعمر لومره
دام النوايا سليمه والهدف سامي
رشيد الفريدي