عاش الملك

واللي يبي التخريب جعله ما يعيش
حنا سعوديين واكتب يا قلم
ما نخلف البيعة، ولا فينا غشيش
أحرار ما ناقع على غير القمم
وطيرٍ يفاخت سربنا منتوف ريش
ما للخيانة بيننا مآطى قدم
وعدوّنا من فعلنا قلبه خريش
شعبٍ تملكنا المبادئ والقيم
ولا احتضن تاريخنا ثورات عيش
ولا نعرَّب من حضارات العجم
شيٍ ينافي ديننا لو كان ويش
من يوم أخو نورة نوى الحكم، وحكم
ساد التآخي من (حقل) ل (أبوعريش)
أمن وأمان وصف واحد ملتحم
وداب الفتن ينداس لاجا له وشيش
حنا سعوديين وأكتب يا قلم
صلفين رأي، وخيلنا ما هي كديش
سيوفنا وقت اللقاء ما تنثلم
وكفوفنا وقت الشقاء تنعش نعيش
وكان الشعوب تطيش لإسقاط الحكم
حنا عرب من دون حاكمنا نطيش
الجيش غير الشعب في عُرف الأمم
ولعيون عبد الله يصير الشعب: جيش
نايف معلا