سرور المطيري

بعض الشعر رطينه!!

ايمانا منا بأحقية كل صاحب رأي بطرحه شعراً أو نثراً ننشر قصيدة الشاعر سرور سفاح المطيري التي ينتقد فيها ما يسمى ب)التجربة الحديثة( في الشعر الشعبي ونحن نحتفظ برأينا في هذه القضية ونطرح رأي المطيري في مقطوعته التالية:
يا محددين الشعر يا محررينه
عطوه حقه كامل دون تقصير
لا تنشرون لعالمٍ مبتلينه
تراه امانة عندكم يا المناعير
بيدينكم حكم اتجاه السفينه
محررين وفوق هذا شواعير
انا من اهل الشعر ومتابعينه
واشوف شي ليت ما شوفه يصير
كم واحد باليه ومجاملينه
مدري وش الاسباب لمجامله مير
انفوا عنه غثه وهاتوا سمينه
هذا تراه أدنى حقوق الجماهير
ناس تميز بين زينه.. وشينه
وين الذهيب اللي تبيه المداوير
موروثنا ترى آفته جاهلينه
من قل عرفه فيه.. طالب بتغيير
بسم الحداثة منهجه مخلفينه
يبغونها شغلة.. تفنن وتطوير
مليمينه.. بس.. ومطلسمينه
فيه الغموض اللي على غير تقدير
بعض الشعر يحتاج فاهم رطينه
يحتاج ناس يترجمونه على الغير
حتى هله ما ظنهم فاهمينه
ضايع هدف باهت معاني وتصوير
وان كان ماهز الشعر سامعينه
وشد انتباه المستمع بالتعابير
هذا هو الحكي المليم بعينه