شكراً لها

الجرح راعف والمساء موعده غير سلمت راعف جرعي لموجعتني
صدفة ترى أول معرفتنا على خير يعني تراها صدفة اللي اجمعتني
واليوم حب وسيل دمع ومعاذير تبي الصراحة: مدري منين جتني
تحبني صارت وليا جيتها تطير ولا تنزل الا بين متني ومتني
علمتها صيري"كذا"أكثر أصير والله حليله.. والصراحة أعجبتني
لا قلت: ما أحبك تغيّر ثم تذير ولا قلت: أحبك فرحت وضحكتني
وليا زعلت قلت: إزعلي خير يا طير لكن ليا من شفتها ضيقتني
رجعت أراضيها فبيت ومقادير وش ذنبها.. حرام ما زعلتني
فيها دلع.. خلاني بدربها أسير وليا مشيت لدربها رجعتني
والله ما أذكر منها يوم تقصير طلبت ثم طلبت.. كلش عطتني
حتى الشعر كنت أتعبه بالتفاكير شكراً لها.. ما قصّرت ألهمتني
واللي وراء حدب الضلوع المداوير بين المحاني.. أسمع إلا أذبحتني
الله يذكرها هكالصدفة بخير اللي بلا موعد معاها.. أجمعتني