دقات قلبي,,!!

باسمه تنادي كل ما اصبحت وامسيت
اللي ركز له بين الاضلاع حرفان
جب النقا واسمه وباني بها بيت
من غيبته والقلب في ظل الاحزان
مريض من فرقاه وان طبت ونيت
حياتي وموتي بلياه سيان
طعم الحياة ان غاب مرٍ وحلتيت
اواه من فرقاه راكبني جنان
اتذكره لاقمت, لارحت,, لاجيت
اواه من له بازعج الصوت حيران
تكفون يا اهل الخير يومين لا ابطيت
تربع هواجيس لها الفكر ميدان
واصيح باعلى الصوت يامنقذ الميت
يابو عيونٍ فوقها الرمش نيشان
تعال بعيونك تشوف ايش سويت
لا ياثمر قلبي انا منك زعلان
يرضيك تجعلني كلام الشواميت
فيك الشوارد تسرج بسرج وعنان
خيالها قافي ولو جدت ما اوفيت
تطعن بشلفٍ طعنها موت فتان
ما فاد فيها الطب يالو تداويت
انا حياتي بعدك بسود الالوان
تلبست زي العزا يوم قفيت
الحق على بعضي وبعضي بالاكفان
الحق ترى ماتنفك قولتك ليت
ان جيتني سويت معروف واحسان
وان رحت للباقي معي عود كبريت
عثمان الشهري