جيتك بقايا

حي كل أكثرة مات
وصلت لك بآخر رمق من حياتي
جيتك خوي الخوف في رحلة الذات
بين الرجا وظروفي القاسياتي
جيتك من الفرقا كثير التلفات
جيت أنتحر في نجلك الناعساتي
جيتك مزيج جروح ودموع وآهات
نديم لعيون الأسف والشماتي
جيتك شظايا تشتعل شوق بسكات
مدري حزن مدري سعادة اسكاتي
جيتك لو أنتي سابع المستحيلات
اللي يحبك يصنع المعجزاتي
جيت أستجيرك من شمس المتهات
عيت تظللني تحتها عباتي
وأبا أتعافى عقب عذاب المعاناة
على رصيف أشواقك الدافياتي
تلقفيني من إيدين التشتات
صيري بحلاة الروح قارب نجاتي
هلا.. غلا يمحى كدر كل مافات
يامزنة أفراحي ومنبع هناتي
مساعد الرشيدي - شاعر سعودي