غربة الذات

ياطير قدّر داخلي غربة الذات
الشعر لولا رفقته ماقدر أعيش
إن كان تحسدني على بعض الابيات
انا تراني ماحسدتك على الريش
ياطير من حيٍ عليها ومن مات
أن مامدح بالصبر يمدح على ويش
غرقت في بحرٍ شواطيه سلطات
كن العيون أمواج .. وأرموشها جيش
جيته وأنا كلي تناهيد وآهات
ولو جاملتني فيه الاشواق حتيش
أنا مجرب فالزمن عشر مرّات
تجاوزت مشاعري نزوة الطيش
جيتك بوعي العاطفه والقناعات
مثل الضما وانته مزون الرشاريش
ياناعم الفطره .. رقيق العبارات
قلبي خذه بشويش .. ويجيك بشويش
والاّ تفضل وأدخل القلب بسكات
مالك شريك .. ولا حدٍ قال لك ليش
أبيك جرح القلب في كل الاوقات
وليا بغيتك جيت للقلب تفتيش
خالد البقمي