الحلوين مواصلين النوح والتشكي ومنافسهم طاق هاالصور في الرياضية و"راج"طاقية الاخفاء والنظارة الشمسية - على رغم ان الصور مهيب في شمس - وتاركهم لاهين وش بيرسلون من تصريحات. وفي الوقت نفسه جاء هالتمديد ومعروف انه ما نطلب الا عشانهم وتعويض أخطائهم اللي خلّت المنافس يطير باللاعب، و"يوهقهم"من دون أجنبي للفترة الجاية. والمفروض يشتغلون صح... ويشكرون اتحاد الكرة على وقفته ومخاطبة"الفيفا"وتعديل النظام عشان خاطر عيونهم ويجيبون لاعب"فتيت"صح يغيض الخصم ويعوض عن اللي"طار"، ويمكن يكون اللي صار"خيرة"لهم... بس انتبهوا انتم دخلتم منافسة مفتوحة... يعني استفيدوا من أخطائكم قبل ما تلومون الكل ولا تجون بكرا وتقولون المنافس هو اللي غشنا في اللاعب ولا خرّبه علينا... يعني اشتغلوا"سكتم بكتم"وما في داعي"للطهبلة"الين ما توقعين... ولا تعَوْدُونها. يقول الخبر ان المدرب الوطني براقب تونس في كأس أفريقيا... وظاهر ان مَحَدْ علّم باكيتا انه راقب المانيا في ديرتهم قبل كأس العالم الماضية والنتيجة كانت ........ يعني تراه كويس وطيب"وجويد"ويصفق لاجاب المنتخب قول، بس تكفون لا يراقب أحد، خصوصاً ون الجهاز الفني كله مساعدين. ابن البلد [email protected]
