الحقيقة - ولا ب "الخامس"

يا شيخ حظ الوحدة"ما عندك أحد"... أجل كل مرة"ينطقون"على رأسهم من الهلال... وكل مرة عندهم مشكلة مع الحكم... تذكرون الجروان في كأس ولي العهد يوم خلى الريس يطير في العجه ويندفع... المهم... تبون الصدق ترى الحمدان موب على يمه... وحده من ضربات الجزاء ممكن نمشيها... ونقول زاوية رؤية... ولا نحط مبرر... ونلغيه ونحط ثاني... ما في مشكلة... أما الثانية... فما منها مفر... وترى أخطاءه دايم تكثر إذا صار الفريق عنده جماهير يصايحون في الملعب ولا برا.
بس تجون للجد والله الوحدة فريق... لاعبين على كيف كيفك... هجوم مولع... ووسط بطران... ودفاع ولا أحلى... وفوق كل هالمميزات فكهم الله من صك الملكية اللي كان عند خاتمه"الكابتن"واعتزل بالطقاق... يعني الحمد لله ما عاد عندهم مشكلة فنية... تبقى مشكلة توم وجيري اللي عندهم في الإدارة... إن جت وحده ابتعدوا الثانيين... وإن جت الادارة الثانية ابتعدوا الاوليين... يعني اللي يمسك يشتغل لوحده... لو يشتغلون الاثنين سوووا... ممكن يخشون"مربع"... ولا بالهطريقة والله ما يتعدون"الخامس"إلا وهم مغرزين... ولا أجدع"دبل"يطلعهم.
ابن البلد
iabalad@maktoob.com