الحقيقة - "نبطوا" براحتكم

تخبرون العشر أقبلت علينا الله يشرفها وناوي أروح للحرم أدعي ربي واحاول أفتك من كثر دعوى بعضكم الله يجيرنا منها،"همٍ"- يعني"أفتر"- بالعربي بعدين - آه على الثقافة عندي - باخذ"عييلي"وأمشيهم وأرتاح اشوي بما اني صرت كاتب كبير جداً ومتابع من اللي يحبوني وللي"ما يدانونني"بعيشة الله بس مضطرين يطيرون من صباح الله على زاويتي والوعد ان كان تيسرت نص شوال، يعني فرصة اللي"بينبطون"ويخترعون منب شاب عليهم ها الفترة.
بس انتبهوا تراني متابع ويمكن أعود"ريوس".
المهم بنحكي جد قبل ما نوقف، اللي حاولت اسويه بهاالفترة انه يكون نقدي للأشياء اللي أشوفها برأيي غلط وممكن تتعدل أوضحها وأنبه عليها، ويمكن ما توفقت برأي البعض في أشياء معينة، بس الجديد انكم تعودتوا الكاتب لازم يميل لواحد من الأندية الجماهيرية عشان ينقرا و"يطبل"لبعض مسؤولي الأندية وهذا اللي يمكن ما بعد استوعبه البعض من ابن البلد.
أنا وللمرة الأخيرة ماني لا ضد أحد ولا مع أحد، أدور الحقيقة والقسوة والشعبية في الأسلوب عشان تأثر وتنفع ... فهمتوا؟ ما ظنتي، لكن نلتقي على خير زي ما اتفقنا ألا ان كان الجريدة قلبت عليّ ... الله يستر ... مع السلامة.
ابن البلد
iabalad@maktoob.com