الحقيقة - زمن الطيارات

نرجع اليوم لمدير المركز الاعلامي... والله لعبها صح مع ربعه... وخلى الربع حقين "ابو جابر"... يطيرون في العجة... ويتلخبطون.... ويرجعون لاعبهم من المطار... وشكل الجائزة كانت لابو جابر لكن ضحكوا عليه وحسسوه أنها طارت منه... عشان ما يجي.. وتطير صدق للاعبهم.. وخلهم يدورون اللي أرسل"المسج".... عاد تدرون أتوقع أن وصولهم
لكوالالمبور بدري كان له دور...
ياالله هذي مشكلة الاندية اللي ما عندها طيارات خاصة.. وتتكي على الحجوزات حقات"المديد"وربعه... يا أخي اشتروا لكم طيارة... لو بنص جناح... عشان تعرفون تسنعون مسائلكم... أجل ولدكم يروح مع مكاتب"الدرجه الأولى"و"الأفق"أو حتى إذا كانت الامور طلقة على"المكتب التنفيذي"... وذولاك ينقزون دايركت على طيارتهم... بدون تذاكر... ولا حجوزات.. ولا"بوردينغ".
عاد تصدقون لو سألني.. كان قلت لكم بدل صفقة القحطاني... كان زودتوها كم قرش وشريتوا طيارة كان أصرف... وش يعني بيضيف لكم القحطاني.. أنتم فريق كبير بوجوده ولا بدون... بس لو عندكم طيارة كان فرقت المسائل معكم واجد... وصدق من قال"هذا زمن الطيارات"... وفي الاخير ما أقول إلا أن الأهم ان اللي فاز لاعب سعودي.
ابن البلد
iabalad@maktoob.com