رحلة الانتظار

ما بقى عند صبري من زماني خيار =كل ما قلت هانت تستجد وتصير
اصعب من المواجه لاتخاذ القرار =وأكبر من الجروح اللي دواها عسير
في خفايا شعوري يشعل الشوق نار =رهبة إحساسها في عالم الودّ غير
ولا تقولون طالت رحلة الانتظار =ما يغير غلا الغالي مداها القصير
أصدق الودّ ودٍ فوق كل اعتبار =وأبلغ الشوق شوقٍ بالمشاعر مثير
وذاك ما لي على هاجس غلاه اقتدار =ضعت بإحساسه اللي من عرفته كبير
أقتبس من شموخه نشوة الانتصار =وأنتشي فيه لورود المحبة عبير
حلم وأصدق من الواقع بشمس النهار =من شموخه قناديل الوفا تستنير
وفي مشاعر غلاي بكل ودّ..و..وقار =يملك اكبر مساحة والشواهد كثير
يعني بكل كلمة تعني الاختصار =ذاك الأول على طول الزمن والأخير