عذب الكلام .. من بادي الوقت

خالد الفيصل
ألحان : محمد عبده

من بادي الوقت وهذا طبع الايام
عذبات الايام ما تمدي لياليها
حلو الليالي توارى مثل الاحلام
مخطور عني عجاج الوقت يخفيها
أسري مع الهاجس اللي ما بعد نامي
وأصوّر الماضي لنفسي وأسليها
أخالف العمر أراجع سالف أعوامي
وأنوخ ركاب فكري عند داعيها
تدفا على جال ضوّه بارد عظامي
والماء يسوق بمعاليقي و يرويها
إلى صفالك زمانك علّ يا ظامي
اشرب قبل لا يحوس الطين صافيها
الوقت لو زان لك يا صاح ما دامي
يا سرع ما تعترض دربك بلاويها
حتى وليفك و لو هيّم بك هيامي
سيّور الأيّام تجنح به عواديها
مقام: راست 1981م